शेत-माउली अमुच्यासाठी, अम्ही तिची लेंकरें
अम्हांला कमी कोणते बरें ?
उजाडतां दिन खावा भाजुन रोज तुरीचा हुळा,
जरा का जठराग्नी कावला
वाणीच्या कसदार नारळी-हुरड्याची ती चवी
पांचही पक्वान्नां लाजवी
माघातिल चवदार हरभरा ऐन रकाण्यावरी
थोडकी काय मजा दे तरी
खुडुनि मुगाच्या शेंगा कधि कोंवळ्या
जातां येतां खाव्या पाट्यांतल्या
गुळचट शेंगा चवळीच्या वां जरठ पोपटी भल्या
लागती भाजुनि किती चांगल्या ! ll १ ll
तोडावी कधिं बोरें कांटे काठीने दाबुनी
हिंडतां काष्ठी रानींवनीं
मध चाखावा गोड मोहळा वरच्यावर झाडुनी
फिरकतां दाट चिलाटींतुनी
किति सेवावी त्या जंगलच्या मेव्याची माधुरी
फळे तशिं खावीं तीं कितितरी
पसरुनि पानांवरी शिदोऱ्या सोडाव्या तरुतलीं
करावी दुपारची न्याहरी
बाजरिची ती गोड शिळी भाकरी
लसूण कांदा चटणी मग तीवरी
मारित मिटक्या येथेच्छ खातां सुधा तुच्छ बापुडी
सुरांची पडेल नवल न उडी ! ll २ ll
स्फटिकासम हा निर्मळ झुळझुळ जवळ वाहता झरा
ओंजळी भरून प्यावें जला
गुरें पोहणी द्यावीं, काळेशार डोह पाहुनी
डुबावें तुडुंब जली मागुनी
गर्द सांवली आंब्याखाली काय मजा लोळतां
वायुची झुळुक गार लागतां
फुंकुनि पावा नाद भरावा गोड वनीं सुस्वरीं
चढोनी रातीं माळ्यावरी
धनवंता-घरि काय कुणा यासम
लाभतील ही गोड सुखें निरुपम !
महाल-माडी अम्हां झोपडी, रान सदा मोकळे
अम्ही तर जंगलची पांखरें. ll ३ ll
अम्हांला कमी कोणते बरें ?
उजाडतां दिन खावा भाजुन रोज तुरीचा हुळा,
जरा का जठराग्नी कावला
वाणीच्या कसदार नारळी-हुरड्याची ती चवी
पांचही पक्वान्नां लाजवी
माघातिल चवदार हरभरा ऐन रकाण्यावरी
थोडकी काय मजा दे तरी
खुडुनि मुगाच्या शेंगा कधि कोंवळ्या
जातां येतां खाव्या पाट्यांतल्या
गुळचट शेंगा चवळीच्या वां जरठ पोपटी भल्या
लागती भाजुनि किती चांगल्या ! ll १ ll
तोडावी कधिं बोरें कांटे काठीने दाबुनी
हिंडतां काष्ठी रानींवनीं
मध चाखावा गोड मोहळा वरच्यावर झाडुनी
फिरकतां दाट चिलाटींतुनी
किति सेवावी त्या जंगलच्या मेव्याची माधुरी
फळे तशिं खावीं तीं कितितरी
पसरुनि पानांवरी शिदोऱ्या सोडाव्या तरुतलीं
करावी दुपारची न्याहरी
बाजरिची ती गोड शिळी भाकरी
लसूण कांदा चटणी मग तीवरी
मारित मिटक्या येथेच्छ खातां सुधा तुच्छ बापुडी
सुरांची पडेल नवल न उडी ! ll २ ll
स्फटिकासम हा निर्मळ झुळझुळ जवळ वाहता झरा
ओंजळी भरून प्यावें जला
गुरें पोहणी द्यावीं, काळेशार डोह पाहुनी
डुबावें तुडुंब जली मागुनी
गर्द सांवली आंब्याखाली काय मजा लोळतां
वायुची झुळुक गार लागतां
फुंकुनि पावा नाद भरावा गोड वनीं सुस्वरीं
चढोनी रातीं माळ्यावरी
धनवंता-घरि काय कुणा यासम
लाभतील ही गोड सुखें निरुपम !
महाल-माडी अम्हां झोपडी, रान सदा मोकळे
अम्ही तर जंगलची पांखरें. ll ३ ll
— पांडुरंग श्रावण गोरे
(Compiled by Ms. Sushama Sahasrabuddhe)
8 comments:
छान कविता ! परंतु सरकारच्या शेती,शेतकरीविरोधी धोरणांमुळे असे वैभव पुन्हा अनुभवणे दुर्मिळच !
पां.श्रा.गोरे यांची 'विटंबना'शिर्षक असलेली कविता वाचायला मिळेल का? मी खुप शोध घेतला पण मिळाली नाही. लहानपणी दहावी च्या अभ्यासक्रमात वाचली होती.आपल्या ब्लाँग ने थेट शालेय जीवनात नेऊन या धकाधकीच्या वातावरणातील चिंताग्रस्त अवस्थेतून चिंतामुक्त अवस्थेत अलगद नेऊन ठेवले.खूप खूप धन्यवाद !
-ऊध्दव गावंडे
uddhavgawande@gmail.com
पांडूरंग श्रावण गोरेंची जन्मतारीख मिळेल का ?
पांडुरंग श्रावण गोरे यांची जन्मतारीख उपलब्ध नाही.
मेलयावर कारे लखजवता ही कविता मिळेल का
Yavatmal che kvi
Kath takleli nahin chi part milel ka?
Post a Comment