वासुदेव आला दारीं, वासुदेव आला,
चिमणा वासुदेव आला
टोपीवर मोरपिसांला
खोवुनियां येथें आला,
कांहीं दान करा त्याला ! दारीं वासुदेव आला.
बांधुनियां घुंगुरू पायीं
थय थय थय नाचत येई.
सुखवी गाऊनी तुम्हांला l दारीं वासुदेव आला.
'द्याल जरी पैसा एक,
देव तुम्हां देइल लाख
माई, धर्म करा याला' l दारीं वासुदेव आला.
'वडिलांच्या तुमच्या नांवें
पैशाचें दान करावें,
माई पुण्य मिळविण्याला' l दारीं वासुदेव आला!.
नाचुनियां आतां थकला,
द्या एकच पैसा त्याला
खाऊ गोड घ्यावयाला l दारीं वासुदेव आला.
- के. नारखेडे
(‘कुटुंब रंगलंय काव्यात’ मधून.)
