गढी

गावाची शिव लागताच दिसते उंचावरी ती गढी
भिंती ढासळल्या बुरुज खचले ये खालती देवडी

कुत्रे हे पेंगतसे करीतसे दिंडीपुढे राखण
जाऊ डावलुनी त्यास पुढती पाहू गढी आपण

होते राहात या गढीत इथले पाटील मातब्बर
पाठी वाकवूनी त्यास मुजरे देती किती येसकर

होते वाजत धडांग धीदिंधा दिंडी पुढे चौघडे
घोडे भीमथडी सुरेख तगडे पागेत होते खडे

वैऱ्याला शह देत येथे भगवा झेंडा डूलावा पण
ती काठी दिसते तिलाच मुजरा आता करू आपण –



— ग. ल. ठोकळ