महाराष्ट्र-लक्ष्मी मातें जगी धन्य वाटे,
यशोगीत तीचें गातां मनी हर्ष दाटे. ll ध्रु. ll
पुन: पुन्हां परचक्रानें ताडिली बिचारी,
दिर्घकाल खचली होती पारतंत्र्यभारी,
द्वादशब्द दुष्काळाने जाहली भिकारी,
संकटात तीच म्हणोनी करी उंच माथे. ll १ ll
मावळांत वास, न ठावें जया बाह्य वारें,
नेमधर्म ज्यांचे लोकी कृषीकर्म सारें,
विळा कोयतींच जयांची काय तीं हत्यारें,
तेच वीर बनले समयीं मावळे मराठे. ll २ ll
न ये नीट धरितां ज्याला लेखणी करांनीं,
कृपादृष्टि संपत्तीची न ज्याचे ठिकाणी,
परी यवनसत्तेची जो करी धूळधाणी,
कोण तया शिवरायाच्या पावला यशातें ? ll ३ ll
साधुसंत झाले, असती, तयांची न वाण,
मात्र रामदासा लाधे समर्थाभिधान,
जो मनीं स्वदेशहिताचें धरोनी निशाण
ध्वजा कौपिनाची मिरवी भारतात थाटे. ll ४ ll
कढीभातखाऊ म्हणती ब्राम्हणां जगांत,
ढिली कांस ज्यांची म्हणुनी हांसती, हंसोत,
तयांनीच करणी केली प्रसंगी अचाट,
खोल गढे परसत्ता ती ढासळली लाथें. ll ५ ll
पुर्व दिव्य ज्यांचे, त्यांना रम्य भाविकाळ,
बोध हाच इतिहासाचा सदा सर्वकाळ,
कासया वहावी चिंता मनीं मग जहाल,
रात्र सरे तेव्हां उगवे दिनहि पूर्ववाटे. ll ६ ll
— विनायक
यशोगीत तीचें गातां मनी हर्ष दाटे. ll ध्रु. ll
पुन: पुन्हां परचक्रानें ताडिली बिचारी,
दिर्घकाल खचली होती पारतंत्र्यभारी,
द्वादशब्द दुष्काळाने जाहली भिकारी,
संकटात तीच म्हणोनी करी उंच माथे. ll १ ll
मावळांत वास, न ठावें जया बाह्य वारें,
नेमधर्म ज्यांचे लोकी कृषीकर्म सारें,
विळा कोयतींच जयांची काय तीं हत्यारें,
तेच वीर बनले समयीं मावळे मराठे. ll २ ll
न ये नीट धरितां ज्याला लेखणी करांनीं,
कृपादृष्टि संपत्तीची न ज्याचे ठिकाणी,
परी यवनसत्तेची जो करी धूळधाणी,
कोण तया शिवरायाच्या पावला यशातें ? ll ३ ll
साधुसंत झाले, असती, तयांची न वाण,
मात्र रामदासा लाधे समर्थाभिधान,
जो मनीं स्वदेशहिताचें धरोनी निशाण
ध्वजा कौपिनाची मिरवी भारतात थाटे. ll ४ ll
कढीभातखाऊ म्हणती ब्राम्हणां जगांत,
ढिली कांस ज्यांची म्हणुनी हांसती, हंसोत,
तयांनीच करणी केली प्रसंगी अचाट,
खोल गढे परसत्ता ती ढासळली लाथें. ll ५ ll
पुर्व दिव्य ज्यांचे, त्यांना रम्य भाविकाळ,
बोध हाच इतिहासाचा सदा सर्वकाळ,
कासया वहावी चिंता मनीं मग जहाल,
रात्र सरे तेव्हां उगवे दिनहि पूर्ववाटे. ll ६ ll
— विनायक
1 comment:
शाळेतल्या आठवणी जाग्या झाल्या...
माझ्या माहिती तंत्रज्ञानाशी निगडीत असलेल्या मराठी ब्लॉग ला विझिट द्यायला विसरू नकोस ;-)
http://themarathi-blog.blogspot.in/
Post a Comment