दूर नभाच्या पल्याड आहे उभा कुणी श्रीरंग
उधळित पिंजर तरल धुक्याची... झाडांवरती रंग
सूर्यबिंब झाकले ढगांनी झरझरतो पाऊस
किरणांच्या छायेत अनामिक कलाबतूंचे भास
उगवाईचा कळस दडाला ढग आले रांगांनी
सह्याद्रीला कुणी फाशिले भस्म नवे शैवांनी
हिरव्या शेतांवरी सावळा रंग रुळे आकाशी
तृप्तीच्या पंखात पोपटी तृणपात्यांच्या राशी
सारणीच्या पाण्यात रंगली जळस्वप्नांचीं गाणी
ही सृष्टीची हिरवी गौळण भरली कटिखांद्यांनी
दूर नभाच्या पल्याड आहे उभा कुणी श्रीरंग
उधळित पिंजर तरल धुक्याची... झाडांवरती रंग...
— डॉ. वसंत लाडोबा सावंत
उधळित पिंजर तरल धुक्याची... झाडांवरती रंग
सूर्यबिंब झाकले ढगांनी झरझरतो पाऊस
किरणांच्या छायेत अनामिक कलाबतूंचे भास
उगवाईचा कळस दडाला ढग आले रांगांनी
सह्याद्रीला कुणी फाशिले भस्म नवे शैवांनी
हिरव्या शेतांवरी सावळा रंग रुळे आकाशी
तृप्तीच्या पंखात पोपटी तृणपात्यांच्या राशी
सारणीच्या पाण्यात रंगली जळस्वप्नांचीं गाणी
ही सृष्टीची हिरवी गौळण भरली कटिखांद्यांनी
दूर नभाच्या पल्याड आहे उभा कुणी श्रीरंग
उधळित पिंजर तरल धुक्याची... झाडांवरती रंग...
— डॉ. वसंत लाडोबा सावंत
टीप : उगवाई देवीचे मंदिर कोकणात फोंडाघाटात आहे.
No comments:
Post a Comment